سياسة الخصوصية

آخر تحديث: نوفمبر 2026

بنجمع إيه

لما تضيف كارت ولاء لكافيه أو محل عن طريق عدّي، بنحفظ اسمك ورقم موبايلك، وعدد الأختام أو النقاط والهدايا اللي خدتها.

بنستخدمه في إيه

عشان نعمل كارتك ونحدّثه في Apple Wallet أو Google Wallet، وعشان الكافيه يعرف رصيدك. الكافيه بيشوف اسمك ورقمك ورصيدك عنده هو بس. مش بنبيع بياناتك ولا بنديها لحد.

المكان

عدّي مش بيعرف مكانك. الكارت فيه أماكن فروع الكافيه، وموبايلك هو اللي بيقرر يظهر الكارت لما تقرب منها، حسب إعدادات موبايلك.

مسح بياناتك

تقدر تطلب مسح بياناتك في أي وقت من الكافيه، أو تبعتلنا على [email protected]، وهنمسحها خلال 7 أيام.