كارت الولاء بقى في موبايل عميلك
بدل كارت الورق اللي بيضيع: العميل يمسح كود، والكارت يتحفظ في المحفظة على موبايله. يتختم مع كل طلب، ويفكّره بيك على شاشة القفل لما يعدّي جنب الكافيه.
- من غير تطبيق
- Google Wallet · Apple Wallet قريب
- جاهز في 10 دقايق
بُن البيت
كارت الورق خلّص دوره
الكافيه بيخسر عملاء كل يوم من غير ما يعرف — مش عشان القهوة، عشان مفيش حاجة بتفكّر العميل يرجع.
كارت الورق
- بيضيع أو بيتنسي في البيت
- مايعرّفكش مين عملاءك ولا بيجوا إمتى
- مايقدرش يفكّر العميل بيك
- سهل يتختم أكتر من مرة
كارت عدّي
- في موبايل العميل على طول — جنب كروت البنك
- داشبورد: مين بيرجع، ومين غاب، وأوقات الزحمة
- إشعار على شاشة القفل لما يقرب من الكافيه
- كل ختم بيتسجل باسم الكاشير ووقته
إزاي بيشتغل
العميل مش محتاج يعمل حساب ولا ينزّل حاجة.
- 1
يمسح الكود
ستاند على الكاشير أو الترابيزة — بكاميرا الموبايل أو يقرّب موبايله (NFC).
- 2
الكارت في المحفظة
يكتب اسمه ورقمه، ويدوس "أضف للمحفظة". خلاص.
- 3
الكاشير يختم
سكان للكارت من أي موبايل — الأختام بتتملي قدام عين العميل، والهدية بتظهر لوحدها.
الكارت بيفكّر العميل بيك
لما العميل يعدّي جنب فرعك، الكارت بيطلع على شاشة القفل. ولما يغيب، بيوصله "وحشتنا" بهدية. ويوم عيد ميلاده بيلاقي هديته مستنياه.
- إشعار القرب من الفرع (لحد 10 فروع)
- تحديث الكارت لحظة الختم
- رسايل أوتوماتيك — مش محتاج تفتكر
إنت قريب من فرع الزمالك — فاضلك 3 فناجين على فنجانك المجاني
تعالى النهارده وخد ختم هدية مع طلبك
كارت بهوية الكافيه بتاعك
قوالب جاهزة مصممة باحتراف، والأختام بتترسم على الكارت حسب رصيد كل عميل. ارفع اللوجو واختار القالب — والكروت عند عملاءك بتتغيّر لوحدها.
أدوات تسويق جاهزة بزرار
أفكار بتجيب عملاء جداد وترجّع القدام — تشغّلها من الداشبورد في ثانية، والسيستم يقيس كل واحدة جابت إيه.
هدية الترحيب
العميل ياخد ختم مجاني أول ما ينضم — الكارت اللي بيبدأ مش فاضي بيتكمّل أكتر.
هات صاحبك
كل عميل ليه لينك دعوة. لما صاحبه يزورك، الاتنين ياخدوا أختام هدية.
ساعات الختم الدبل
في الأوقات الهادية الختم بيتحسب ×2 — تملا الوقت الفاضي من غير خصم.
وحشتنا
العميل اللي يغيب يوصله إشعار بهدية لو رجع. أوتوماتيك.
عيد الميلاد
يوم عيد ميلاده يلاقي هدية جاهزة على الكارت وإشعار تهنئة.
مستويات VIP
برونزي ← فضي ← ذهبي، والذهبي ليه ميزة دايمة. العميل يحس إنه مميز.
رسالة لكل العملاء
عرض النهارده يوصل كإشعار على موبايل كل عملاءك في ثانية.
داشبورد بيقولك تعمل إيه
مش أرقام وخلاص: مين أحسن عملاءك، مين غاب ولازم يرجع، أوقات الزحمة والهدوء، وكل كاشير ختم كام — ونصايح عملية كل يوم.
- العملاء الجداد والراجعين يوم بيوم
- خريطة أوقات الزحمة
- العملاء اللي على وشك يضيعوا
- تحميل قايمة العملاء Excel
نظرة عامةالعملاءالتسويقشكل الكارتأسئلة بتتسأل كتير
العميل محتاج ينزّل تطبيق؟
لا. الكارت بيتحفظ في Google Wallet على الأندرويد (و Apple Wallet على الآيفون قريب) — نفس المكان اللي فيه كروت البنك. لو موبايله مافيهوش محفظة، بياخد كارت ويب بيشتغل بنفس الطريقة.
الكاشير بيختم إزاي؟
من أي موبايل أو تابلت: بيفتح شاشة الكاشير، يعمل سكان للكود اللي على كارت العميل، ويدوس ختم. كل كاشير ليه PIN، وكل ختم بيتسجل باسمه.
الإشعار بيوصل إزاي لما العميل يقرب؟
بتحدد أماكن فروعك، والمحفظة نفسها بتطلّع الكارت على شاشة القفل لما العميل يبقى قريب. ده بيتحكم فيه Google وApple حسب الموبايل والمكان.
أقدر أغيّر شكل الكارت؟
أيوه — تختار قالب من القوالب الجاهزة وترفع لوجو الكافيه، والكروت اللي عند عملاءك بتتغيّر لوحدها.
الختم بالمشروب ولا بالفاتورة؟
إنت اللي تختار: ختم لكل مشروب، أو ختم لكل زيارة، أو نقاط حسب مبلغ الفاتورة.
بياناتي وبيانات عملائي فين؟
كل كافيه بياناته منفصلة تماماً عن أي كافيه تاني، والعميل بيوافق على سياسة الخصوصية قبل ما ينضم. وتقدر تحمّل قايمة عملاءك Excel في أي وقت.
جهّز كارت الكافيه بتاعك النهارده
سجّل الكافيه، اختار شكل الكارت، واطبع الستاند. في أقل من 10 دقايق أول عميل يكون معاه كارتك.